رمضضان كريم ..~~

أهلاً ..

كيفكم ؟ و كيف التجهيزاتالرّمَضانيّةمعاكم ؟

مستوعبين رَمضان قرّب ؟ ..

بالأصح مستوعبين مررت سنة ؟

< أسرررع سنة مررت علي=/

أول شي كل عام و إنتوا بخيير

و الله إن شاء الله يتمم علينا شَعبَان و يبارك لنا فيه .

و يبلغنا رَمَضاان ،

كل رمضان يعدّي علينا بدون ما نحس فيه ! ،

مُسلسلات|نت|أسواق|.. و أشياء كثيرة تشغلنا عن الجو الرمضاني الأساسي ! ،

هذي السنة رح أحـاول أغيّر أشياء كثييرة كانت في رَمضاني اللي راح مو عاجبتني !

و كنت "طافّة" بـ كون رمضان في إجازة ،

ولا أعطيته حقّه لا من عبادات و لا طاعات ! ..

و هذا الشي إن شاء الله ما رح أواجهه هذي السنة معاكم ..

أول شي رح أكتب سلبيات رَمضاني اللي راح عشان أتخلّص منها ; )

* كنت أسهر وماأصحى الا قبل المغرب بشوية ..

أحياناً أصلي الظهر قبل ما أنـام و أحياناً أصحى أصلي الظهر+العصر!

*ما ختمت القرآن في الشهر الكريم =/

إممممم ، هذا اللي في رأسي حالياً ،،

اوكي .. دحين إنتوا حطّوا سلبيّاتكم أو اكتبوها في ورقة ،

عشان يكون هدفكم تتخلصوا منها في هذا الشهر إن شاء الله ..

دحين نبدأ مع بعض خطوة خطوة ! ،
خلينا نكون حريصين على الدُعاء|الصلاة | القّرآن|الاستغفار و التسبيح’الذكر بشكل عام‘| الاحتساب|الصّدقة..
و نكون بعيدين عن المُسلسلات|الأغاني |الحش | النومة المخربطة =/ <عُقدتي.. و غيرها أشياء كثيرة ..
*
أغلَبنا معـاهآي بودمو ؟ ،
ايش رايكم تختارون أحد من المُقرئين اللي تحت ..
و تحملوا المُصحف بصوته كاااامل ..
إقعدوا إسمعوهم ، لو قبل الأذان .. بعد ما تصلّون .. قبل ما تنامون .. ،
في الوقت اللي يريّحكم ..

ما يحتاج أحكي عن الصلاة في وقتها ،

لكن إحرصوا كثير علىالسُنن الرّواتب! ..

اللي هي ركعتينقبلالفَجر ،

و أربع ركعاتقبلالظهروركعتين بعدها ،

المغرب ركعتينبعدها ..

و العشاء ركعتينبعدها ..

*بالنسبة لصلاة الظهر قريت أشياء كثيرة مُختلفة ، و اللي كتبته بناء على قول عائشة رضي الله عنها :

كان النبي صلى الله عليه وسلم : يصلي في بيتيقبل الظهر أربعاًثم يخرج فيصلي بالناس ثم يدخلفيصلي ركعتينوكان يصلي بالناس المغرب ثم يدخل فيصلي ركعتين ويصلي بالناس العشاء ويدخل بيتي ويصلي ركعتين .

و الله أعلَم ..

*

قراءة القُرآن ..

كلنا نحب نختم القّرآن ،

مرة مرتين لـ 3 مرات في الشهر ..

أهم شي نقرأ بتأني ، و نتمعن بالآيات ،

و ما نتسابق مع الصّفحات بهدف إنو نختم المصحف و بس ..

لأنو هذا أولاً و آخراً شي لكِ ،

يعني إذا كنّا قادرين نختم المصحف في 10 أيام أو أقل يا سلام ..

بس ما نقرا بسرعة بسرعة بدون ما نستفيد بس إسماً إنا ختمنا المصحف 3 / 4 مرات ؟

و تذكروا شي ،

إحتسبوا ، أي شي تسوونه إحتسبوا ..

لما أُمّك تقول لكِ شغلي المُكيّف .. قومي واحتسبي الأجر ..

لما تجوعونإحتسبوا الأجر ،

لما تتعبوا من الوقوف في صلاة التراويح أو القياماحتسبوا الأجر ..

لما تساعدوا الخدّامة في الشيل و الحط و التنظيف..إحتسبوا الأجر و لا تنسوا إنها هي كمان تصوم ..

لما يجي وقت الفطور .. و تطلعون للسواق فطورهإحتسبوا الأجر ،

*

لما نصحى و نصلي نقرا قُرآن ..

و كمان ما ننسى أذكار المَساء بعد صَلاة العَصر ..

بيبقا وقت لـ صلاة المغرب .. قد يتخلله بعض الجوع ..

إقعدوا حوسوا بالمطبخ ، ساعدوا في السفرة ،

و استغفروا .. قد ما تقدرون استغفروا ..

رايحين جايين .. ، كل وقت إستغفروا ..

*فكرة | عشان ما ننسى الاستغفار ارسلوا لنفسكم من جوال ثاني .. رسالة لو كانت فاضية .. و لا تفتحوها بحيث يكون موجود فوق إنوا فيه مسج ..

و لما تشوفوها تتذكرونتستغفرون..

<< حسيتها أكثر شي تنفع للبلاك بيريين،

* سيّـد الاستِغفـار |

عنْ شَدَّادِ بْنِ أَوْسٍ رضي اللَّه عنْهُ عن النَّبِيِّ صَلّى اللهُ عَلَيْهِ وسَلَّم قالَ :

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي لا إِلَه إِلاَّ أَنْتَ خَلَقْتَني وأَنَا عَبْدُكَ وأَنَا على عهْدِكَ ووعْدِكَ ما اسْتَطَعْتُ أَعُوذُ بِكَ مِنْ شَرِّ ما صنَعْتُ

أَبوءُ لَكَ بِنِعْمتِكَ علَيَ وأَبُوءُ بذَنْبي فَاغْفِرْ لي فَإِنَّهُ لا يغْفِرُ الذُّنُوبِ إِلاَّ أَنْتَ منْ قَالَهَا مِنَ النَّهَارِ مُوقِناً بِهَا فَمـاتَ مِنْ يوْمِهِ قَبْل أَنْ يُمْسِيَ فَهُو مِنْ أَهْلِ الجنَّةِ ،

ومَنْ قَالَهَا مِنَ اللَّيْلِ وهُو مُوقِنٌ بها فَمَاتَ قَبل أَنْ يُصْبِح فهُو مِنْ أَهْلِ الجنَّةِ » رواه البخاري .

أذّن ..

دعاء الصائم عند الافطار

" ذهب الضمـأ ، وأبتلت العروق ، وثبت الأجر إن شاء الله "

ودعء ليلة القدر مما كان يدعو به النبي صلى الله عليه وسلم

| اللهم إنـك عفو كـريم تحـب العفو فـاعف عني ..

بعد الآذان تبدأ الحوسة ،

أحد يروح المسجد و اللي يطلع لغرفته يصلّي و يقرا ..

إنتهزوا هذا الوقت ،

بعد ما تفطرون ..

صلوا المغرب مع سُننها ،

و إقروا اللي تقدرون عليه من القُرآن ،

و لما يجي وقت صَلاة التراويح ،

اللي يحصل له مسسجد يصلي فيه لا يفوّت الأجر ،

< أغلبنا حاصل لنا إذا مو كلنا =/ ..

من صلاة التراويح إلـى صلاة الفَجر ..

وقتكم بين أياديكم ..

لا تستعجلون على أنفسكم و تسوون جداول دقيقهقبل دخلة رَمضان ،

لأنو لكل رمضان أجوائه و ظروفه الخاصة ،

يعني تسوون جدول ما يناسبكم و بعدها تخربون كل شي ..

عنّي ما عمري مشيت علىجَدول مُعيّن ..

لكن أحب مثلاً أحط أشياء قدّامي أسويها باليوم كله بدون ما أربط نفسي بوقت مُحدّد ..

*

طبعاً حتى الأيام الرَّمَضانية فيها وقت على النّت ،

و ما فيه مُشكلة أكيد ..

لكن حتى هذا الوقت خلونا نستفيد منّه مع بعض; )

أكثر المواقع المُفيدة

موقع خطير خطير خطير للذكر ،،

مرة طريقته حلوة و سَلِسة .،

موقع كمان حلو قرآءة قُرآن ..

من الساعه 12إلى 3في الليل هذا كلهوقت فراغ !

أغلبنا ما عندنا شي يسويه هذا الوقت =/

لا هو وقتنوم و لافطور و لا دوام ..

قبل ما تتسحرون خذوا 5 دقائق صلوا صلاة الوتر ..

خفيفة هذي الـ5 دقايقعليكم و مع أول كم يوم في رَمضان رح تتعودون عليها كأنها فرض ..

صلاة الوتر ما لهاركعات مُعيّنة ..

أقلّها ركعة

و أفضلها 11 ركعة ..

لقول عائشة رضي الله عنها: " كان رسول الله صلى الله عليه وسلم يصلي بالليل إحدى عشرة ركعة يوتر منها بواحدة " وفي لفظ " يسلم بين كل ركعتين ويوتر بواحدة" أخرجه مسلم.

و بعدها نتسحّر و نصلي الفجّر

قال الرسول صلى الله عليه وسلم:

(( من صلى الصبح في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة تامة تامة تامة ))رواه الترمذي وصححه الألباني .

كيف خفيفة علينا ، و أجرها كبير .. و تأثيرها على النفس أكبر و أكبر ..

بالنسبة لنا ما لنا جماعة =/ بس ما فيه مُشكلة ..

إجمَعي أختك و أمك و صلوا،

ذكرت بالموضوع شغلات المفترض تكون يوميةو ما يحتاج نستنى رمضان عشان نسوّيها ..
لكن مو مشكلة اللي ما تعوّد يعتبر رَمضان بداية ..
و نصير لما يخلّص رمضان تعودنا على بعض الشغلات و صارت يوميّة بالنسبة لنا ..
و إن شاء الله ما نرجع بعد رمضان علاقتنا بـ الله الصلاة
و ما نفتح المصحف إلا من جمعة لـ جمعة =/ ..
بالتوفيق للجمييع :
( LOVELY GIRL )